Ma ajde molin te, nikad neću zabit... z blaton san se igra kad san bija mali, jedanput san hodija oko hiže, u jenoj ruki blato, u drugoj panin... i uglavnon pensan ja, pensan, i to na zdrave stvari san pensa, a ne ko ta dica danas... ubij gaaaa, ubija gaaaa!! Bum bum puc puc... Uglavnom, da se tornamo na temu, hodin ja oko hiže s tin blaton i paninon ... i pogodite ča mi se desilo – zagriza san blato, BLATO san zagriza!!! Ali to je bila zdrava zemja, a ne ko danas, domestos simo, domestos tamo... Ma to su sve gluposti... Kad smo bili mali, *ovna smo jili tako reć, a ča ovi sad, za svako drek će se razbolit.
Ja se još nisan cijepija protiv gripe, NIKAD (osin u školi, ma dobro, to se ne računa...)! A kad san je dobija? NIKAD!
Eko tako je to, vrimena se kambjivaju...
Još bi se tu puno tega dalo reć, o 12, 15 i 18 ikonicama u liven kutu naših TV programa, o internetu, o svemu bi se tu puno stvari dalo reć, ali to je sada manje bitno...

Su rekli stari judi, svaki čovik mora pojist kakovu kilu zemje u životu, ko ne ni čovik. Ali mislin da bi bilo u redu da se tornamo na temu, malo smo si offtopic, ne...
Znači, zaključili smo da su današnja dica razmažena i da na temu treba poradit...
Eko tako... i samo da znate, ja ću isto svojen Franetu kupit kakovega žohara ki prdi i ne smdi... treba bit u toku z vrimenon... Ala boh!